WBO Жәнібек Әлімханұлына қатысты шешімінен кейін сынға ұшырады
YouTube-тағы TRU Boxing арнасының авторы Дүниежүзілік бокс ұйымының (WBO) қазақстандық боксшы Жәнібек Әлімханұлына қатысты шешімін қатаң сынға алды.
Блогер WBO шешімін «коррупция» деп атап, ұйымның ұстанымына наразылық білдірді.
«Мен WBO-ның Жәнібек Әлімханұлына қатысты шешіміне қатты ашулымын! Қалайша боксшыны дисквалификациялап, сонымен бірге оны әлем чемпионы ретінде қалдыруға болады? Ол жекпе-жектерден шеттетілді, бірақ чемпиондық белбеуін сақтап қалды. Оның үстіне, ол допинг-тесттен оң нәтиже көрсеткен! Енді ол бір жыл бойы чемпиондық титулды ұстап отырады, ал допингтен өтпеген басқа боксшылар бос титул үшін жұдырықтаса алмайды. Бұл – бокстағы мен жек көретін жемқорлықтың көрінісі», - деді арна авторы.
Еске сала кетейік, Жәнібек Әлімханұлы орта салмақта WBO нұсқасы бойынша ғана емес, сондай-ақ IBF тұжырымы бойынша да әлем чемпионы болып табылады. Ал Халықаралық бокс федерациясы (IBF) әзірге ресми шешім жариялаған жоқ.
Фото: Top Rank
Карло Анчелотти Неймарды тағы да Бразилия құрамасына шақырмады
Ең көп оқылған
