Валентина Хальзова Азия чемпионатында қола жүлдеге ие болды

Моңғолия астанасы Ұланбатырда өтіп жатқан World Boxing аясындағы 2026 жылғы Азия чемпионатында қазақстандық Валентина Хальзова қола жүлдегер атанды. Жартылай финалда ол Қытай өкілі Цзыи Баомен қолғап түйістіріп, финал жолдамасын сарапқа салды.

Жекпе-жек тартысты өтті. Алғашқы раундта Хальзова басым түскені айтылса, кейінгі бөліктерде қарсыласы қарқынын үдетті. Кездесу қорытындысында төрешілер жеңісті қытайлық боксшыға бөліп берілген шешіммен ұсынды, ал қазақстандық спортшы турнирдің қола жүлдесін қанағат тұтты.

Валентина Хальзова - тәжірибелі боксшы. Ол 2016 жылы әлем чемпионы атанып, 2022 және 2023 жылдары әлем біріншілігінің қола жүлдесін иеленген. Сондай-ақ Азия чемпионатында бұған дейін күміс медаль алған болатын.

Айта кетейік, бұған дейін Қазақстан құрамасынан Бақыт Сейдеш финалға жолдама алған еді. Ұланбатырдағы құрлықтық додада ел құрамасының бірқатар өкілі жүлде жолындағы жарысты жалғастырып жатыр.

Фото: Қазақстан бокс федерациясы