Әлем чемпионы және Олимпиаданың қола жүлдегері Сәкен Бибосынов кәсіпқой бокстағы екінші жекпе-жегін өткізеді, деп хабарлайды malimsports.kz.
Қазақстандық боксшы 25-26 қазан күндері Бішкекте өтетін бокс кешінде жергілікті спортшы Әділет Қачқынбековпен (3-6, 1КО) кездеседі. Жарыс Saikou X Lush промоутерлік компаниясының ұйымдастыруымен, WBA Asia және IBF қолдауымен «Бішкек Аренада» өтпек.
Айта кетейік, осы кеште Бибосыновтың бұрынғы қарсыласы, өзбекстандық Хасанбой Дусматов та рингке шығып, мексикалық Рене Каликсто Бибианомен (23-1-1, 9КО) қолғап түйістіреді.
Еске сала кетейік, Сәкен Бибосынов кәсіпқой бокстағы алғашқы жекпе-жегін 20 шілдеде өткізіп, филиппиндік Кристиан Леганды (6-2-3, 4КО) нокаутпен жеңген болатын.
Фото: saikoulush
