Халықаралық бокс ассоциациясы (IBA) ұйымдастырып жатқан әлем чемпионатында Қазақстан құрамасының тағы бір боксшысы сенімді жеңіске жетті.
75 келі салмақта сынға түскен Сабыржан Аққалықов алғашқы жекпе-жегін сәтті аяқтады.
Отандасымыз Сейшель аралдарынан келген Джошуа Аарон Кузинмен кездесіп, айқасты толық бақылауда ұстады. Екінші раундта Сабыржан қарсыласын нокаутқа түсіріп, жекпе-жекті мерзімінен бұрын аяқтады.
Бұл жеңіс Аққалықовқа әлем чемпионатының 1/16 финалына жолдама береді. Енді ол Дубайдағы бәсекеде медаль үшін күресін жалғастырады.
Сабыржан Аққалықовтың жетістіктері:
2021 жылғы жастар арасындағы әлем чемпионы
Қазақстандық боксшының келесі айқасы қашан өтетіні кейінірек белгілі болады.
Фото: Қазақстан бокс федерациясы
