Назым Қызайбай Олимпиада жүлдегерін жарыс жолынан шығарды
Әлемнің үш дүркін чемпионы Назым Қызайбай 54 келі салмақтағы жарысты сенімді жеңіспен бастады, деп хабарлайды malimsports.kz.
1/8 финал кезеңінде қазақстандық боксшы осы салмақтағы басты фавориттердің бірі саналатын, Париж Олимпиадасының қола жүлдегері Им Э Джимен (Оңтүстік Корея) қолғап түйістірді.
Жекпе-жек барысында Назым белсенді қимылдап, барлық үш раундта басымдық көрсетті. Төрешілер шешімімен отандасымыз 4:1 есебімен жеңіске жетіп, келесі кезеңге жолдама алды.
Айта кетейік, Қызайбай бұл турнирде жаңа – 54 келі салмақта өнер көрсетіп жатыр. Соған қарамастан, ол алғашқы кездесудің өзінде жоғары деңгейін дәлелдеп, медаль үшін күресін жалғастырады.
Мұның алдында, ерлер арасындағы 55 келіде жұдырықтасқан Тимур Қабдешов 1/16 финалда Бразилия боксшысы Келви Триндадпен кездесіп, 3:1 есебімен жеңіліп қалды.
Фото: ҰОК
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
