Қазақстандық орта салмақтағы боксшы Мейірім Нұрсұлтанов (20-0, 13 КО) тағы да WBC бойынша әлем чемпиондығы үшін жекпе-жектен сырт қалды, деп хабарлайды malimsports.kz.
Ол екі жылдан астам уақыт WBC ресми үміткері ретінде тіркелгенімен, титулдық мүмкіндікті күту үшін ешқандай жекпе-жек өткізген жоқ.
Кеше WBC чемпионы Карлос Адамес (24-1-1, 18 КО) 31 қаңтарда Нью-Йоркте өтетін Теофимо Лопес пен Шакур Стивенсон бокс кешінің андеркартында белбеуін америкалық Остин «Аммо» Уильямспен (19-1, 13 КО) қорғайтыны белгілі болды. Уильямс WBC рейтингінде алтыншы орында тұр.
Остин Уильямс – 2019 жылы британдық промоутер Эдди Хирнмен келісімшартқа отырған америкалық боксшылардың бірі. Белгілі қарсыластары қатарында Стив Роллс пен Хамза Шираз бар.
Фото: sportilinet.kz.
