Геннадий Головкин бокстан Азия чемпионатына арнайы барды
World Boxing ұйымының президенті Геннадий Головкин Моңғолия астанасы Ұлан-Батыр қаласында өтіп жатқан бокстан 2026 жылғы Азия чемпионатына келді, деп жазады malimsports.kz.
Турнирге келген сәттің видеосы Моңғолия бокс федерациясының Instagram желісіндегі ресми парақшасында жарияланды. Мәліметке сәйкес, Геннадий Головкинді аталған ұйымның басшысы арнайы шақырған.
Айта кетейік, Ұлан-Батырдағы Азия чемпионаты World Boxing ұйымының қолдауымен өтуде. Қазақстан бұл жарысқа 20 боксшы (ерлер және әйелдер құрамасынан 10-нан) жіберді.
Жарыс 10 сәуірге дейін жалғасады.
Геннадий Головкин — 2004 жылғы Олимпиаданың күміс жүлдегері және кәсіпқой бокста орта салмақтағы бұрынғы әлем чемпионы.
Фото: ҰОК
«Ордабасы» мен «Атырау» матчындағы қателіктерден кейін екі төреші уақытша шеттетілді
Аналитика
|
07.04.2026 17:02
2026-04-07 17:02:00
Ең көп оқылған
