Бокстан атақты әлем чемпионы үйінен өлі табылды
Бұрынғы әлем чемпионы, британдық бокс аңызы Рикки Хаттон Манчестердегі өз үйінен өлі күйінде табылды, деп хабарлайды malimsports.kz.
Жергілікті полицияның хабарлауынша, оның қазасына қатысты күдік жоқ:
«14 қыркүйек, жексенбі күні таңғы 6:45-те Джи-Кросс ауданындағы Боулэйкр-роуд мекенжайында Хаттонның денесі табылды. Өлім күмәнді жағдай деп саналмайды», – делінген ресми хабарламада.
Рикки Хаттон екі салмақ дәрежесінде әлем чемпионы атанды.
2005 жылы ол ресейлік Костя Цзюді жеңіп, алғаш рет чемпиондық белбеуді иеленді. Бұл айқас Цзюдің мансабындағы соңғы жекпе-жек болды.
Хаттон жартылай орта салмақта IBF, WBA және IBO, ал орта салмақта WBA және IBO белбеулерін иемденді.
Кәсіпқой бокста 48 кездесу өткізіп, 45 рет жеңіске жеткен (оның 32-сі нокаутпен).
Кейінгі жылдары
«Hitman» лақап атымен танылған Хаттон 2012 жылы украиналық Вячеслав Сенченкодан жеңілгеннен кейін мансабын аяқтады. Дегенмен 10 жылдан соң, 2022 жылы, қайта рингке шығып, көрсетілімдік жекпе-жек өткізген еді. Ол кездесу тең аяқталды.
Айта кетейік, Рикки Хаттон биылғы жылдың 2 желтоқсанында Дубайда өтетін жекпе-жекке дайындалып жүрген.
Фото Getty Images
Ең көп оқылған
