Суперорта салмақта жұдырықтасатын Бек Нұрмағанбет Лас-Вегастағы Fontainebleau қонақүйінде өткен бес жекпе-жектен тұратын бокс кешінің басты жекпе-жегіне шықты, деп хабарлайды malimsports.kz.
Бұл кеш Канело мен Теренс Кроуфорд арасындағы суперкездесудің алдындағы шаралардың бірі болды.
27 жастағы Нұрмағанбеттің қарсыласы – 31 жастағы америкалық Стивен Самптер (11-2-1, 9 КО) болды. Он раундқа жоспарланған жекпе-жек небәрі үш раундқа ғана созылды: екінші раундта Бек қарсыласын нокдаунға жіберіп, үшінші раундтан кейін Самптердің бұрышы жекпе-жекті жалғастырудан бас тартты.
Осылайша, Бек Нұрмағанбет кәсіби мансабындағы 15-ші жеңісіне қол жеткізді (15-0, 13 КО). Бұл – оның Солтүстік Америкадағы қатарынан тоғызыншы жекпе-жегі.
Айта кетейік, Бек – Канелоның тұрақты спарринг-серіктесі, ал оның менеджері - Канелоның жаттықтырушысы әрі менеджері Эдди Рейносо.
Қазіргі таңда Нұрмағанбет WBA рейтингінде 11-орында тұр.
Фото: Prosports.kz
