Әлімханұлы Кроуфордты жекпе-жекке шақырды
Орта салмақта WBO және IBF тұжырымдары бойынша әлем чемпионы Жәнібек Әлімханұлы (17-0, 12 КО) америкалық боксшы Теренс Кроуфордпен (42–0, 31 КО) кездесу өткізуге дайын екенін мәлімдеді, деп хабарлайды malimsports.kz.
«Егер Кроуфорд менімен жекпе-жекке шығуға келіссе, мен қуана-қуана қабылдар едім. Біздің айқас – әрбір жанкүйер ниет етіп, бір сәтін де өткізіп алмауға тырысатын тарихи оқиға болар еді», – деп жазды Әлімханұлы әлеуметтік желідегі парақшасында.
Айта кетейік, 13 қыркүйекте Кроуфорд мексикалық Сауль «Канело» Альваресті (63-3-2, 39 КО) төрешілер шешімімен жеңіп, екінші орта салмақта абсолютті әлем чемпионы атанған еді.
Ал Жәнібек Әлімханұлы ең кейінгі кездесуін 5 сәуірде Астанада өткізіп, франциялық Анауэль Нгамиссенгені (14–1, 9 КО) 5-раундта нокаутпен жеңген еді.
Фото: instagram.com/janibek_alimkhanuly
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
