Англияның Ливерпуль қаласында өтіп жатқан бокстан әлем чемпионатында қазақстандық спортшылар сәтті өнер көрсетуде, деп хабарлайды malimsports.kz.
Ауыр салмақта бақ сынаған Айбек Оралбай 1/8 финалда түркиялық Мусахит Илиаспен кездесіп, үш раундтың қорытындысы бойынша 5:0 есебімен айқын жеңіске жетті. Осы нәтижесімен ол ширек финалға жолдама алды.
Сондай-ақ әйелдер құрамасы сапындағы Аида Әбікеева да ширек финалға шықты. 65 келі салмақ дәрежесінде сынға түскен боксшымыз 1/8 финалда Оңтүстік Корея өкілі Кан Сок Еннен басым түсті.
