Айбек Оралбай екі дүркін Олимпиада чемпионын жеңді
Қазақстандық боксшы Айбек Оралбай Ұлыбританияның Ливерпуль қаласында өтіп жатқан әлем чемпионатында сенсациялық жеңіске жетіп, финалға жолдама алды, деп хабарлайды malimsports.kz.
Ауыр салмақта (+90 кг) жұдырықтасатын Оралбай жартылай финалда Кубаның аңыз спортшысы, екі дүркін Олимпиада чемпионы және бес дүркін әлем чемпионы Хулио Сесар Ла Круспен кездесті.
Жекпе-жек өте тартысты өтті. Үшінші раундта нокдаунға түскеніне қарамастан, Айбек соңына дейін шыдамдылық танытып, сенімді өнер көрсетті. Нәтижесінде төрешілердің бөлек шешімімен қазақстандық былғары қолғап шебері қарсыласын жеңіп, финалға шықты.
Бұл жеңіс арқылы Айбек Оралбай әлем чемпионатының алтын жүлдесі үшін бақ сынайды. Ал Хулио Сесар Ла Крус күтпеген жерден турнирді қола медальмен аяқтады.
Боксшылардың жетістіктері
Айбек Оралбай – Азия чемпионатының екі дүркін жеңімпазы, әлемдік деңгейде алғаш рет финалға шықты.
Хулио Сесар Ла Крус – Рио-2016 және Токио-2020 Олимпиада чемпионы, IBA нұсқасы бойынша бес дүркін әлем чемпионы.
Фото: ҰОК
Ең көп оқылған
