Бокстан әлем чемпионатында қарағандылық Абылайхан Жүсіпов 71 келіде топ жарды, деп хабарлайды malimsports.kz.
Осымен Қазақстан қоржынына үшінші алтын медаль түсіп отыр.
71 келіде ел намысын қорғаған Абылайхан Жүсіпов финалда ресейлік Сергей Колденковті сенімді түрде жеңді. Ұлттық құрама мүшесі Жүсіпов тұңғыш рет чемпион атанды. Ол 2017, 2019, 2021 жылдары ӘЧ-да қола жүлдеге ие болған.
Ол турнир барысында қырғызстандық Ихтияр Нишановты айқын басымдықпен ұтты. Бұған дейін 54 келідегі Сәкен Бибосынов пен 57 келідегі Оразбек Асылқұлов жеңіске жеткен болатын.
Фото: Ашық дереккөзден
