Тау шаңғысынан Милан–2026 Олимпиадасына жолдама алған қазақстандық спортшы Александра Скороходова Италияның Поцца-ди-Фасса қаласында өткен халықаралық турнирде чемпион атанды, деп хабарлайды malimsports.kz.
Отандасымыз слалом жарысында ең үздік нәтиже көрсетіп, қарсыластарынан оқ бойы озып шықты.
Жүлдегерлер:
Александра Скороходова (Қазақстан) — 1:39.67
Гаритано Итурбе (Испания) — 1:40.52
Емма Гуггенхеймер (АҚШ) — 1:40.97
Аталған жарысқа 15 елден 30 спортшы қатысты.
Айта кетейік, Қазақстанның жасөспірімдер құрамасы шорт-тректен Қытайда өткен турнирде төрт медаль жеңіп алды. Сонымен қатар мәнерлеп сырғанаушы Софья Самоделкина Төрт құрлық чемпионатында қысқа бағдарламада тоғызыншы орынға тұрақтады.
Фото: СДД
