Милан мен Кортине-д’Ампеццода (Италия) өтіп жатқан Қысқы Олимпиада ойындарының он күндік нәтижесі бойынша медаль кестесінде Норвегия құрамасы көшбасшылықты сақтап отыр.
Норвегиялық спортшылар қазіргі таңда 12 алтын, 7 күміс және 8 қола медаль жеңіп алған.
Екінші орында Италия құрамасы орналасқан. Италиялықтардың еншісінде 8 алтын, 4 күміс және 10 қола медаль бар.
Үздік үштікті Нидерланд құрамасы түйіндеп тұр. Олар 6 алтын, 5 күміс және 1 қола медаль еншілеген.
Ал Қазақстан құрамасы он күннен кейінгі қорытынды бойынша медаль кестесінде 17-орында келеді. Ел қоржынында әзірге 1 алтын медаль бар. Бұл жүлдені қазақстандық мәнерлеп сырғанаушы Михаил Шайдоров жеңіп алған.
Фото: Сали Сабиров (ҰОК)
