Қазақстан туын ұстаған спортшы параллель могулда жарысты аяқтады
Италияда өтіп жатқан 2026 жылғы қысқы Олимпиада ойындарында Қазақстан құрамасының ту ұстаушысы, фристайлшы Аяулым Әміренова параллел могул сайысында жарысты ерте аяқтады, деп хабарлайды malimsports.kz.
1/16 финалда қазақстандық спортшы канадалық Джессика Линтонмен сынға түсті. Тартысты өткен жарыста Линтон трассаны жылдам әрі сапалы бағындырып, 21:14 есебімен жеңіске жетті. Осылайша, канадалық спортшы 1/8 финалға жолдама алса, Әміренова турнирдегі өнерін тоқтатты.
Айта кетейік, бүгін тағы бір қазақстандық фристайлшы Анастасия Городко 1/8 финалға шығуды қамтамасыз етті.
Сондай-ақ тәжірибелі спортшы Юлия Галышева да келесі кезеңге өтуге тырысады. Ол 14-жұпта оңтүстіккореялық Юн Шин-Имен бірге жарысты бастады.
Параллель могул – жылдамдық пен техникалық шеберлікті қатар талап ететін күрделі дисциплина. Қазақстан құрамасы бұл сайыста жүлдеге таласуды жалғастырып жатыр.
Фото: Ашық дереккөзден
Карло Анчелотти Неймарды тағы да Бразилия құрамасына шақырмады
Ең көп оқылған
