Италияда өтіп жатқан XXV қысқы Олимпиадада фристайл-могулдан ерлер арасындағы финалдық бәсекелер мәресіне жетті, деп хабарлайды malimsports.kz.
Финалға жолдама алған 16 спортшының қатарында қазақстандық Павел Колмаков та болды.
Отандасымыз шешуші кезеңде 75.70 ұпай жинап, жарысты 16-орынмен аяқтады.
Колмаковтың Олимпиададағы ең үздік нәтижесі – 2022 жылғы Бейжің ойындарындағы 7-орын.
Айта кетейік, Павел Колмаков – 2021 жылғы әлем чемпионатының қола жүлдегері. Бұл – оның мансабындағы төртінші қысқы Олимпиадасы.
Фристайлдан қазақстандық спортшылардың келесі жарыстары 14 және 15 ақпанға жоспарланған.
Фото: ҰОК
