Нидерланд конькимен жүгірушісі Ютта Лердам Италияда өтіп жатқан Олимпиада ойындарында 1000 метр қашықтықта жеңімпаз атанды, деп хабарлайды malimsports.kz.
Лердам бұл қашықтықты 1 минут 12,31 секундта жүріп өтіп, олимпиадалық рекорд орнатты. Ол бұған дейін 2022 жылғы Олимпиадада осы дистанцияда күміс жүлде алған еді.
Күміс медальді оның отандасы Фемке Кок иеленді - 1:12,59. Ал қола жүлде Бейжің Олимпиадасының осы қашықтықтағы чемпионы, жапониялық Михо Такагиге бұйырды - 1:13,95.
Лердам Олимпиадаға Италияға арнайы безендірілген жекеменшік ұшақпен барған. Ұшақта қызғылт сары түсті олимпиялық белгілер мен оның есімі жазылған. Суреттерге пікір қалдырған оның күйеу жігіті — танымал блогер әрі боксшы Джейк Пол: «Жарқырайтын уақыт келді» деп жазған. Екеуі 2025 жылдың наурыз айында некеге тұруға келісім жасағанын жариялаған.
Ютта Лердам — әлем чемпионаттарының жеті дүркін чемпионы, сондай-ақ Еуропа чемпионаттарында алты алтын медаль жеңіп алған тәжірибелі спортшы. Бұған дейін биыл ол Германиядағы Әлем кубогы кезеңіне де жекеменшік ұшақпен барғаны хабарланған.
Фото: Getty Images
