Милан-2026: Софья Самоделкина Олимпиаданы 10-орынмен аяқтады
Мәнерлеп сырғанаудан Миланда өтіп жатқан XXV қысқы Олимпия ойындарында әйелдер арасындағы жеңімпаздар анықталды, деп хабарлайды malimsports.kz.
Қазақстан атынан сынға түскен Софья Самоделкина өз мансабындағы рекордтық ұпайын жинап, 10-орынға тұрақтады. Еркін бағдарламада Софья Самоделкина өз қойылымын мінсіз орындап, 138.99 ұпай еншіледі. Ал қос бағдарламаның қорытындысы бойынша, отандасымыз 207.46 ұпаймен жеке мансабындағы ең үздік көрсеткішін тіркеді.
Софья бұған дейінгі рекордтық ұпайын 2021 жылы (205.67 ұпай) алған.
Жүлдегерлер:
1-орын. Алиса Лю (АҚШ) – 226.79 ұпай (жеке рекордын жаңартты)
2-орын. Каори Сакамото (Жапония) – 224.90 ұпай
3-орын. Ами Накаи (Жапония) – 219.16 ұпай
10-орын. Софья Самоделкина – 207.46 ұпай
Айта кетейік, қысқы Олимпиада ойындарының тарихында мәнерлеп сырғанаудан әйелдер арасында тек 2018 жылы ғана Элизабет Тұрсынбаева мен Айза Мамбекова өнер көрсеткен. Элизабет Тұрсынбаева сол Ойындарда 12-орынға тұрақтаған.
Фото: Сали Сабиров
Дастан Сәтпаевты «Челси» капитанының әкесі жаттықтырады
Ең көп оқылған
