Абзал Әжіғалиев жүлдесіз қалуының себебін айтты
Шорт-трекші Абзал Әжіғалиев Италияда өтіп жатқан 2026 жылғы Олимпиада ойындарында 500 метрлік қашықтықта сынға түскенімен жүлдесіз қалды, деп жазады malimsports.kz.
Өкінішке қарай, отандасымыз ширек финалда жарыс жолын аяқтады.
Спортшы жарыстан кейін өз өнеріне баға берді.
"Мен мәреге төртінші болып келген сәтте бәрі белгілі болды. Себебі келесі кезеңге бірінші және екінші орын алған спортшылар немесе үшінші орын иеленгендер арасында үздік нәтиже көрсеткендер шықты. Біздің жарыс өзге жүгірістерге қарағанда баяу өтті. Сондықтан кемінде екінші орын алу қажет еді", - деді спортшы.
Ол нидерландтық спортшы өте жоғары қарқынмен жүгіріп, озуға мүлде мүмкіндік бермегенін атады.
Мен үшін басты міндет - артымнан қуып келе жатқан үш спортшыға өз орнымды бермеу болды. Алайда италиялық спортшы менен екі есе жылдам екен. Бір сәтті ұстап қалғым келді. Бірақ ол ұтымды әдіс қолданып, алға шықты. Бұл шорт-трек болған соң, артта келе жатқан қарсыласты көрмейсің. Басты мақсатым - бүгін, осы қашықтықта финалға дейін жетіп, жүлде алу еді. Мен әр Олимпиадаға медаль үшін барамын. Бұл жолы оңай болған жоқ. Соған қарамастан, барлық іріктеу кезеңдерінен өтіп, ел намысын абыроймен қорғадым деп ойлаймын. Бұл - менің төртінші Олимпиадам. Әр додада қазақстандық жанкүйерлерді қуантуға тырыстым. Өкінішке қарай, бұл жолы ол мақсатқа жете алмадым", - деді отандасымыз.
Сондай-ақ, Абзал Әжіғалиев жанкүйерлердің қолдауы ерекше сезілгенін тілге тиек етті.
Қазақстандық мәнерлеп сырғанаушы Михаил Шайдоров алтын алғаннан кейін, шорт-тректен де көпшілік медаль күтті. Дегенмен қолымнан келгеннің бәрін жасадым. Осы спорттың елімізде дамуына өз үлесімді қостым деп санаймын. Еңбек еттім, халықаралық жарыстарда жеңіске жеттім. Қазақстанда да мықты шорт-трекшілер бар екенін дәлелдедім деп ойлаймын", - деді Абзал Әжіғалиев.
Айта кетейік, осы бағдарламада Абзал Әжіғалиев ширек финалға дейін жетті. Бірінші орынды канадалық Стивен Дюбуа иеленді. Мелле ван’т Ваут (Нидерланд) мәреге жетті.
Фото: Сали Сабиров/ҰОК баспасөз қызметі.
Карло Анчелотти Неймарды тағы да Бразилия құрамасына шақырмады
Ең көп оқылған
