Қазақстандық боксшы Евгений Павлов АҚШ-тың Мэриленд штатында өткен бокс кешінде екі чемпиондық титулды иеленді, деп хабарлайды malimsports.kz Sports.kz-ке сілтеме жасап.
26 жастағы спортшы екінші жеңіл салмақта WBC Continental Americas және North American Boxing Association нұсқалары бойынша бос тұрған белдіктер үшін колумбиялық Альбейро Паредеспен жұдырықтасты.
Сегіз раундқа жоспарланған жекпе-жек бірінші раундта-ақ аяқталды. Евгений Павлов қарсыласын нокаутпен жеңді.
Осылайша қазақстандық боксшы кәсіби мансабындағы 12-жеңісіне қол жеткізді. Оның еншісінде сегіз нокаут бар. Ал Альбейро Паредес кәсіпқой рингтегі үшінші жеңілісіне ұшырады.
Фото: Sports.kz.
