Америкалық UFC промоушені қазақстандық жеңіл салмақтағы файтер Әліби Ыдрыстың (11-1) 2026 жылғы алғашқы жекпе-жегін ресми түрде жариялады, malimsports.kz.
22 ақпанда 30 жастағы ақтөбелік спортшы АҚШ-тың Техас штатындағы Хьюстон қаласында өтетін UFC турнирі аясында америкалық файтер Оде Осборнмен (13-9) октагонға шығады.
Айта кетейік, бұған дейін Қазақстанның тағы бір өкілі — дивизион рейтингінде жетінші орында тұрған Асу Алмабаев (23-3) UFC-дегі дебютін дәл осы Осборнға қарсы өткізген. Ол жекпе-жекте америкалық спортшыны екінші раундта сабмишн әдісімен жеңген болатын.
Еске сала кетсек, Әліби Ыдрыс UFC-мен келісімшартқа қол жеткізуге мүмкіндік беретін The Ultimate Fighter реалити-шоуына қатысқан.
Фото: sportplustv.kz
