Трамп Иран құрамасының әлем чемпионатына келуін орынсыз деп бағалады
АҚШ президенті Дональд Трамп Иран ұлттық футбол құрамасының 2026 жылғы футболдан әлем чемпионатына келуін орынды деп санамайтынын мәлімдеді, деп хабарлайды malimsports.kz.
Бұл туралы ол Truth Social әлеуметтік желісіндегі парақшасында жазды.
«Иран құрамасы әлем чемпионатына шақырылғанымен, олардың турнирге келуі өздерінің өмірі мен қауіпсіздігі үшін дұрыс болады деп ойламаймын», - деді Трамп.
Бұған дейін Иранның спорт министрі Ахмад Доньямали ұлттық құраманың АҚШ, Мексика және Канадада өтетін әлем чемпионатына қатыспайтынын айтқан еді.
Иран құрамасы G тобына түсіп, Бельгия ұлттық футбол құрамасы, Египет ұлттық футбол құрамасы және Жаңа Зеландия ұлттық футбол құрамасымен ойнауы тиіс болатын. Топтық кезең матчтарын Инглвуд (Калифорния) және Сиэтл қалаларында өткізу жоспарланған.
Айта кетейік, АҚШ пен Израиль 28 ақпаннан бастап Иранға қарсы әскери операция жүргізіп жатыр. Соның салдарынан елдің жоғарғы басшылығы мен әскери жетекшілері қаза тапқаны хабарланған. Ал Тегеран тарапы Таяу Шығыстағы нысандарға жауап соққыларын жасауда.
Фото: Getty Images
Карло Анчелотти Неймарды тағы да Бразилия құрамасына шақырмады
Ең көп оқылған
