Халықаралық конькимен жүгірушілер одағы алдағы Гран-придің кезеңіне қатысушылар құрамын жариялады. Ол жарыс Жапонияның Осака қаласында өтеді, деп хабарлайды malimsports.kz.
Әйелдер арасындағы жекелей сырғанау бағдарламасында Қазақстан құрамасынан Софья Самоделкина сынға түседі. Ол биыл АҚШ-тағы Норвуд қаласында өткен турнирде екінші орын алған болатын.
Жарысқа 12 спортшы қатысады. Дода 7-9 қараша аралығында өтеді.
Бұған дейін Қытайдың Чунцин қаласында мәнерлеп сырғанаудан Гран-при кезеңінде Михаил Шайдоров ел намысын қорғап, қысқа бағдарламада үшінші орын иеленген болатын.
Фото: ҰОК баспасөз қызметі
