«Семей» Чемпиондар лигасының элиталық кезеңіне жолдама алды
Қазақстанның «Семей» футзал клубы UEFA Чемпиондар лигасының негізгі кезеңін сәтті аяқтап, элиталық кезеңге жолдама алды, деп хабарлайды malimsports.kz.
Үшінші турда семейлік команда Испанияның былтырғы чемпион атанған «Пальма» клубымен кездесіп, 4:7 есебімен ұтылды. Оған қарамастан, алдыңғы матчтардағы нәтижесінің арқасында топтық кезеңді 3 ұпаймен үшінші орынмен аяқтап, келесі кезеңге өтті.
Топтық кезеңдегі нәтижелер:
«Семей» – «Ново Вриеме» (Хорватия) – 3:2
«Семей» – «Спортинг» (Португалия) – 2:7
«Семей» – «Пальма» (Испания) – 4:7
«Пальмаға» қарсы матч барысы:
Ойынның алғашқы минуттарынан-ақ испаниялық клуб басымдық танытты.
2-минутта Лукас Машадо есеп ашып, 5-минутта Камиль Герейхановтың автоголы тіркелді.
«Семей» сапынан Марсело (10’, 21’) және Бруно Гомес (13’, 33’) мергендігімен көзге түсті. «Пальма» ойыншысы Алиссон 11, 18 және 19-минуттарда хет-трик жасады. Осындай қиын топта өнер көрсеткенімен, «Семей» алғашқы ойындағы жеңістің арқасында элиталық кезеңге шығу мүмкіндігін пайдаланып, қазақстандық футзалдың абыройын асқақтатты.
Фото: Ашық дереккөзден
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
