«Реал» сырт алаңда «Мальоркадан» жеңілді
Мадридтің «Реал» клубы Испания чемпионатының 30-турында сырт алаңда «Мальоркаға» 1:2 есебімен жол берді, деп хабарлайды malimsports.kz.
Кездесуде алаң иелері сапынан Ману Морланес (41-минут) пен Ведат Мурики (90+1) гол соқты. Ал «Реал» құрамында Эдер Милитао 88-минутта есепті теңестірген болатын.
Айта кетейік, «Мальорка» соңғы рет «Реалды» 2023 жылдың ақпан айында Ла Лигада 1:0 есебімен жеңген еді. Қазіргі таңда «Реал» 69 ұпаймен турнирлік кестеде екінші орында тұр. Көш басында 73 ұпайы бар «Барселона» келеді. Ал «Мальорка» 31 ұпаймен 17-орында орналасқан.
Келесі турда «Реал» 10 сәуір күні өз алаңында «Жиронаны» қабылдайды. «Мальорка» екі күннен кейін «Райо Вальеканоға» қарсы матч өткізеді.
Фото: Getty Images
«Ордабасы» мен «Атырау» матчындағы қателіктерден кейін екі төреші уақытша шеттетілді
Аналитика
|
07.04.2026 17:02
2026-04-07 17:02:00
Ең көп оқылған
