Қазақстан құрамасы шаңғымен тұғырдан секіруден Францияның Куршевель қаласында өткен жазғы Гран-при кезеңінде өнер көрсетті, деп хабарлайды malimsports.kz.
Жарыстың алғашқы күнінде Илья Мизерных 12-орынға тұрақтаса, Данил Васильев 13-орыннан көрінді.
Екінші жарыс күнінде финалдық кезеңге Қазақстан атынан тек Илья Мизерных жолдама алды. Нәтижесінде отандасымыз жарысты 16-орынмен аяқтады.
Айта кетейік, бұған дейін Польшаның Висла қаласында өткен жазғы Гран-при кезеңінде Данил Васильев екі рет үздік ондыққа кірген болатын. Қазақстандық спортшы жарыстардың бірінде төртінші, екіншісінде бесінші орын иеленді.
Фото: ҰОК
