Садақ атудан Қазақстан ұлттық құрамасы Азия кубогының алғашқы кезеңіне дайындықты бастады. Бұл туралы ҚР Ұлттық олимпиадалық комитеті мәлімдеді.
Аталған дайындық аясында 5-20 ақпан аралығында спортшылар Алматы облысында орналасқан Спорттық даярлық орталығының базасында оқу-жаттығу жиынын өткізеді.
Жиынға еліміздің 30 үздік садақшысы қатысып, халықаралық дода алдындағы дайындықтарын пысықтайды.
Айта кетейік, Азия кубогының алғашқы кезеңі 21-28 наурыз күндері Бангкок қаласында (Таиланд) өтеді.
Фото: ҰОК
