Биатлоннан Әлем кубогының бірінші кезеңінде ерлер арасында 20 шақырымдық жекелей жарыс өтті, деп хабарлайды malimsports.kz.
Норвегиялық Йохан-Олав Ботн (Норвегия) жарыс жеңімпазы атанды. Екінші орынды Мартин Улдал (Норвегия) жеңіп алды. Үшінші орынға Себастьян Самуэльсон (Швеция) тұрақтады.
Қазақстан құрамасының сапында үздік нәтижені – Владислав Киреев көрсетті. Ол 55-ші орынға табан тіреді. Вадим Куралес 70-ші, ал Кирилл Бауэр 94-ші орындарды иеленді.
Фото: ҰОК
