Қазақстан жасөспірімдер арасындағы әлем чемпионатын 23-орынмен аяқтады
Хорватияның Загреб қаласында су добынан жасөспірімдер арасындағы әлем чемпионаты мәресіне жетті. Қазақстан құрамасы жарысты 23-орынмен аяқтады, деп хабарлайды malimsports.kz.
Топтық кезеңде қазақстандық су добышылар Сингапур мен Уругвай құрамаларын жеңіп, Мысыр және Түркия спортшыларына есе жіберді. Осы нәтижелерден кейін Қазақстан плей-офф кезеңіне шыға алмай, 8-орыннан төмен орындар үшін таласты.
Жарыстың келесі кезеңінде Қазақстан құрамасы Грузиядан 7:10 есебімен жеңіліп, Канадаға 7:9 есебімен жол берді. Ал соңғы кездесуде Перу құрамасын 5:3 есебімен жеңді.
Осылайша Қазақстан жасөспірімдер құрамасы әлем чемпионатындағы жарысын 23-орынмен аяқтады.
Айта кетейік, әлем чемпионатының жеңімпазы Хорватия құрамасы атанды. Испания күміс медальға ие болса, Сербия қола жүлдені еншіледі.
Фото: ҰОК
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
