Бахрейн астанасы Манамада өткен 2025 жылғы Жасөспірімдер арасындағы Азия ойындарында қазақстандық спортшылар жоғары нәтиже көрсетті, деп хабарлайды malimsports.kz.
Жалпыкомандалық есепте Қазақстан құрамасы 93 медаль иеленді. Оның 24-і – алтын, 29-ы – күміс, 40-ы – қола.
Ең көп жүлде дзюдошылардың еншісінде – 14 медаль (4 алтын, 5 күміс, 5 қола).
Ауыр атлеттер үш алтын, төрт күміс және екі қола медаль жеңіп алды.
Боксшылар алтын медаль саны бойынша үздік нәтиже көрсетті – 5 алтын, 3 күміс, 2 қола.
Сонымен қатар жеңіл атлетика мен джиу-джитсу спортшылары да 10 медальдан жеңіп алды:
– жеңіл атлетика: 1 алтын, 2 күміс, 7 қола;
– джиу-джитсу: 1 алтын, 5 күміс, 4 қола.
Бұдан бөлек, Қазақстан құрамасы ММА, жолдағы велоспорт және таеквондо бойынша екі-екі алтын, сондай-ақ жүзу, муай-тай, күрес және жағажай волейболы спорт түрлерінде бір-бір алтын медаль жеңіп алды.
Айта кетейік, биылғы жарысқа Азияның қос мықтысы – Жапония мен Оңтүстік Корея құрамалары қатысқан жоқ.
Сурет: Арлан Олжабай, Қазақстан ҰОК баспасөз қызметі.
