"Өзбекстан озып кетті": Ислам ойындарындағы ел спортшыларының нәтижесі қандай
Эр-Риядта өтіп жатқан VI Ислам ынтымақтастығы ойындарында 18 қараша күні қазақстандық спортшылар жеңіл атлетика және грек-рим күресі бойынша жарыс жолына шықты, деп хабарлайды malimsports.kz.
Осы күнгі басты нәтиженің бірі грек-рим күресінен тіркелді. 87 килограмдық салмақ дәрежесінде бақ сынаған Ислам Евлоев финалда әлем чемпионы, ирандық Голамреза Фарохисенжаниға қарсы күресіп, тартысты белдесудің қорытындысы бойынша күміс медаль иеленді. Бұл – ойындардағы Қазақстанның аталған спорт түрінен алған алғашқы жүлдесі.
Медальдық есеп (18 қараша):
Түркия – 130 (65 алтын, 37 күміс, 28 қола)
Өзбекстан – 79 (25 алтын, 29 күміс, 25 қола)
Иран – 59 (19 алтын, 17 күміс, 23 қола)
Мысыр – 37 (13 алтын, 10 күміс, 14 қола)
Қазақстан – 41 (11 алтын, 14 күміс, 16 қола)
19 қараша күні Қазақстан құрамасы жеңіл атлетика, әйелдер күресі, гандбол және семсерлесу жарыстарында бақ сынауды жалғастырады.
Фото: ҚР спорт комитеті
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
