Нұрдаулет Жұмағали әлем чемпионатының күміс жүлдегері атанды
Сингапурда өтіп жатқан пара жүзуден әлем чемпионатында Нұрдаулет Жұмағали брасс әдісімен 100 метр қашықтықты 1:06.64 секундта жүзіп өтіп, күміс жүлдеге ие болды, деп хабарлайды malimsports.kz.
Бірінші орынды бейтарап елдің спортшысы Тимофей Гук 1:06.51 уақытымен иеленсе, үшінші орынға 1:06.99 секунд нәтижесімен украиналық Алексей Федина жайғасты.
Айта кетейік, бұл Нұрдаулеттің әлем біріншіліктеріндегі үшінші күміс жүлдесі. Бұған дейін ол 2022 жылы Мадейрада және 2023 жылы Манчестерде жүлдегер атанған болатын.
Пара жүзуден әлем чемпионаты 21–27 қыркүйек аралығында өтіп, байрақты бәсекеде 75 мемлекеттен 600-ге жуық спортшы қатысып жатыр. Қазақстан атынан 7 спортшы бақ сынауда. Сингапурда өтіп жатқан бұл турнир Лос-Анджелес 2028 Паралимпиада ойындарының алдындағы жаңа паралимпиадалық циклдің алғашқы ірі жарысы болып саналады.
Фото: Ашық дереккөзден
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
