Президент «Қазақстан барысы – 2025» турнирінің жеңімпазын құттықтады. Бұл туралы Ақорданың баспасөз қызметі хабарлады, деп жазады malimsports.kz.
«Марат Байкамуровты қазақ күресінен «Қазақстан барысы – 2025» турниріндегі жарқын жеңісімен құттықтаймын! Ол тамаша өнер көрсетіп, жанкүйерлер көңілінен шықты. Мемлекет қазақ күресінің дамуына алдағы уақытта да қолдау көрсете береді», - деп жазылған құттықтау мәтінінде.
Айта кетейік, Астанада өткен Қазақ күресінен «Қазақстан Барысы – 2025» турнирінде әскер барысы Марат Байқамұров жеңімпаз атанған болатын. Ол финалда 2024 жылғы «Қазақстан барысы» Ерасыл Қажыбаевтан басым түсті.
Фото: Ақорданың баспасөз қызметі
