Кристина Шумекова конькимен жүгіруден әлем чемпионатында топ жарды
Германияның Инцелль қаласында конькимен жүгіруден жасөспірімдер арасында әлем чемпионаты өтіп жатыр, деп хабарлайды malimsports.kz.
Отандасымыз Кристина 500 метр қашықтықта 38,48 секунд нәтиже көрсетіп, қарсыластарынан озық шықты. Бұл көрсеткіш спортшының жаңа жеке рекордына айналды.
Күміс жүлдені канадалық Джулия Снелгров (38,78) иеленсе, қола медаль польшалық Виктория Дабровскаға (38,96) бұйырды.
Аталған қашықтықта Қазақстан намысын қорғаған өзге спортшылар да бақ сынады: Анастасия Беловодова 12-орынға тұрақтады, Варвара Глухова 13-сатыға жайғасты. Алина Шумекова 30-нәтиже көрсетсе, Айзада Рымбек 54-орынмен жарысты аяқтады.
Айта кетейік, дәл осы 500 метрлік спринтте 2010 жылғы жасөспірімдер арасындағы әлем чемпионатында Екатерина Айдова Қазақстан қоржынына алтын медаль салған еді.
Фото: Спортты дамыту дирекциясы
Карло Анчелотти Неймарды тағы да Бразилия құрамасына шақырмады
Ең көп оқылған
