Футболдан Колумбия ұлттық құрамасы 2026 жылғы әлем чемпионатының 1/16 финалында Гана құрамасын 1:0 есебімен жеңіп, плей-оффтың келесі кезеңіне жолдама алды, деп хабарлайды malimsports.kz.
Кездесу АҚШ-тың Миссури штатындағы Канзас-Сити қаласында орналасқан «Эрроухед» стадионында өтті.
Матчтағы жалғыз гол 14-минутта соғылды. Шабуылшы Джон Ариас Луис Суарестің нәтижелі пасын голға айналдырып, командасына жеңіс сыйлады. Ал Гана құрамасы бүкіл матч бойы қарсылас қақпасына бірде-бір дәл соққы жасай алмады.
Осылайша, Колумбия құрамасы 2014 жылдан бері алғаш рет әлем чемпионатының плей-офф кезеңінде жеңіске жетіп, 1/8 финалға шықты.
Енді Колумбия 1/8 финалда Швейцария құрамасымен кездеседі. Матч 8 шілде күні Астана уақытымен сағат 01:00-де басталады.
Ал Гана құрамасы 2026 жылғы әлем чемпионатындағы өнерін аяқтады.
Фото: Selección Colombia
