Илья Малинин Гран-при кезеңінде қысқа бағдарламаның жеңімпазы атанды
Екі дүркін әлем чемпионы, америкалық мәнерлеп сырғанаушы Илья Малинин 2025/26 жылғы маусымдағы ISU Гран-при сериясының үшінші кезеңінде қысқа бағдарламада бірінші орынға шықты, деп хабарлайды malimsports.kz nur.kz-ке сілтеме жасап.
Аталған жарыс Канададағы Саскатун қаласында өтіп жатыр.
20 жастағы спортшы өз қойылымын аса дәлдікпен орындады. Ол төрттік флип пен үштік аксельді таза орындап, сонымен қатар төрттік лутц – үштік тулуп комбинациясын көрсетті. Дегенмен, алғашқы секіруде аздаған (¼ айналым) жетіспеушілік тіркелді. Соған қарамастан, Малинин төрешілерден 104,84 ұпай жинап, көш бастап тұр.
Қысқа бағдарламаның үздік үштігі (ерлер жекелей сырғанауы):
1-орын: Илья Малинин (АҚШ) – 104,84 ұпай
2-орын: Казуки Томоно (Жапония) – 92,07 ұпай
3-орын: Александр Селевко (Эстония) – 91,28 ұпай
Мұзда би көрсету (Ice Dance) бойынша аралық нәтиже:
1-орын: Пайпер Гиллес / Поль Пуарье (Канада) – 85,38 ұпай. Бұл жұп — соңғы екі әлем чемпионатының күміс жүлдегерлері.
2-орын: Эллисон Рид / Саулюс Амбрулявичюс (Литва) – 80,89 ұпай
3-орын: Кристина Каррейра / Энтони Пономаренко (АҚШ) – 76,83 ұпай.
Фото: Getty Images
"Барлығына ұнау мүмкін емес": Шерхан Қалмұрза "сыншылар" туралы пікір білдірді
Ең көп оқылған
