Әзірбайжанда басталған ТМД елдерінің III ойындарында стенд атудан Қазақстан құрамасы 2 жүлдеге қол жеткізіп үлгерді.
Скит жаттығуында аралас жұптық сында Максим Почивалов пен Лидия Башарова жұбы аса тартысты өткен финалда күміс жүлдегер атанды.
Микстен жүлдегерлер:
1. Ресей
2. Қазақстан
3. Әзірбайжан
Ал трап жаттығуында жекелей сында Наргиза Сарманова қола жүлдеге ие болды. Ол финалда 30 ұпай жинады. Тағы бір отандасымыз Анастасия Прилепина 6-сатыға тұрақтады.
Трап бағдарламасының жүлдегерлері:
1. Алина Ахатова (Ресей)
2. Нармин Джафарова (Әзірбайжан)
3. Наргиза Сарманова (Қазақстан)
Айта кетейік, стенд атудан жарыс 1 қазанда мәресіне жетеді. Спорттың бұл түрінен Габала қаласында 8 отандасымыз жүлдеге таласып жатыр. Олардың қатарында биыл Шымкентте өткен Азия чемпионатында топ жарған Ангелина Сорокина, Наргиза Сарманова сынды мергендер бар.
Фото: Спортты дамыту дирекциясының баспасөз қызметі
