Футзалдан Қазақстан құрамасы Италиямен кездесті
Футзалдан Еуро-2026 чемпионатына жолдама беретін плей-офф кезеңіндегі алғашқы ойында Қазақстан құрамасы Италияға қарсы ойнап, жеңіліп қалды, деп хабарлайды malimsports.kz.
Матч барысында қазақ футзалшылары басым ойнағанымен, алғашқы голды алаң иелері соқты. 15-минутта Джованни Пульвиренти есеп ашты.
Екінші таймда Италия тағы бір голмен басымдықты арттырды — 29-минутта Юлио Де Оливейра есепті 2:0-ге жеткізді. Алайда Қазақстан құрамасы күресті тоқтатпай, 32-минутта Шыңғыс Есенамановтың дәл соққысымен есеп айырмасын қысқартты.
Кездесу Италияның 2:1 есебімен жеңісімен аяқталды. Енді екі құрама арасындағы шешуші матч 23 қыркүйекте Астанада өтеді. Қазақстан құрамасы өз алаңында жанкүйерлерінің қолдауымен тарихи жолдама үшін бар күшін салмақ.
Фото: Ашық дереккөзден
Ең көп оқылған
