«Формула-1» Бахрейн Гран-приін Малайзияға ауыстырды
«Формула-1» ұйымдастырушылары сәуір айында өтуі тиіс болған Бахрейн Гран-приінің жаңа өтетін орны мен мерзімін жариялады,деп жазады malimsports.kz.
Жарыс енді 2-4 қазан аралығында Малайзиядағы Сепанг халықаралық автодромында өтеді.
Сепанг трассасы «Формула-1» күнтізбесіне қайта оралып отыр. Аталған автодром соңғы рет әлем чемпионатының кезеңін 2017 жылы қабылдаған болатын.
Жаңартылған күнтізбеге сәйкес, Малайзиядағы кезең 26 қыркүйекте өтетін Әзербайжан (Баку) Гран-приі мен 11 қазандағы Сингапур Гран-приінің арасына қойылды. Ұйымдастырушылар маусым күнтізбесінде бұдан өзге өзгерістер болмайтынын мәлімдеді.
Еске салайық, «Формула-1» басшылығы наурыз айында АҚШ пен Израильдің Иранға қарсы әскери операциясына байланысты Таяу Шығыстағы қауіпсіздік жағдайын ескеріп, сәуірге жоспарланған Бахрейн және Сауд Арабиясы Гран-прилерін өткізуден бас тартқан еді.
Осылайша, Бахрейнде өтпей қалған кезең биыл Малайзияда ұйымдастырылатын болды.
Фото: Getty Images
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
