Энтони Джошуа блогерді нокаутқа түсіріп қомақты ақшаға қол жеткізді
Аса ауыр салмақтағы бұрынғы әлем чемпионы Энтони Джошуа блогер әрі боксшы Джейк Полды нокаутпен жеңді. Бокс кеші Майами қаласында өтіп, жекпе-жек Netflix платформасында тікелей эфирде көрсетілді, деп жазады malimsports.kz.
36 жастағы Энтони Джошуа - WBO, WBA және IBF тұжырымдары бойынша бұрынғы әлем чемпионы. Ал 28 жастағы Джейк Пол — кәсіби емес боксшы. Ол 2019 жылдан бері 14 жекпе-жек өткізіп, оның 12-сінде жеңіске жеткен. Айта кетерлігі, Джошуа - Джейк Полмен кездескен алғашқы кәсіби аса ауыр салмақтағы боксшы.
Жекпе-жек алтыншы раундта нокаутпен аяқталды. Кездесу барысында блогер бірнеше рет нокдаунға түсті. Жеңілістен кейін Джейк Пол жақ сүйегінің сынғанын хабарлады. Осыған байланысты ол жекпе-жектен кейінгі баспасөз мәслихатына қатыспай, бірден ауруханаға жеткізілді.
Кейінірек YouTube-та 20 миллионнан астам жазылушысы бар блогер әлеуметтік желілерде алған жарақатына қатысты рентген суретін жариялады. Кадрдан жақ сүйегінің қосарланған сынуы анық байқалады.
Фото: Ашық дереккөзден
Станимир Стоилов: Қазақ футболының мәселесі тек ұлттық құрамада емес
Ең көп оқылған
