Әзірбайжанда өтіп жатқан III ТМД елдері ойындарында Қазақстан қоржынына тағы бір алтын медаль түсті, деп хабарлайды malimsports.kz.
Спортты дамыту дирекциясының мәліметінше, Мингячевир қаласында каратэ бәсекесінде отандасымыз Дархан Теміралиев -60 кг дейінгі салмақта топ жарды. Сонымен қатар тағы 3 отандасымыз жүлделі орыннан көрінді. Олар:
Натали Касикова (ката) - күміс
Малика Абжанова (-50 кг) - қола
Айшабибі Шарахан (-55 кг) - қола
Ертең 2-жарыс күні Айжан Бәкірова (-61 кг), Нұрия Тізімбай (-68 кг), Асылай Савидова (+68 кг), Шыңғыс Тайлиев (-75 кг), Ғалым Асылхан (-84 кг), Диас Анарбеков (+84 кг) сынға түседі.
Осыған дейін II ТМД елдері ойындары 2023 жылы Беларусь Республикасында өткен. Ол кезде каратэден Қазақстан құрамасы 3 алтын, 1 күміс жүлдеге қол жеткізген.
Қазір Қазақстан құрамасы Әзірбайжандағы кешенде жарыста алтын медаль санын үшеуге жеткізді.
Фото: ДРС
