Бибісара Асаубаева FIDE Grand Swiss турнирінде көшбасшыны жеңді
Қазақстандық шахматшы Бибісара Асаубаева Өзбекстанның Самарқанд қаласында өтіп жатқан FIDE Grand Swiss and FIDE Women’s Grand Swiss 2025 турнирінде сенсациялық жеңіске жетті, деп хабарлайды malimsports.kz.
Самарқандтағы сенсация
8-турда Бибісара турнирдің көшбасшысы, үндістандық гроссмейстер Вайшали Рамешбабумен кездесіп, аса маңызды жеңіске қол жеткізді.
Алғашқы 25 жүрісте ойын тең дәрежеде өрбіді. Екі шахматшы тактикалық күрес жүргізіп, бір-біріне дес бермеді. Дегенмен Вайшали күтпеген қателік жіберіп, қазақстандық қарсыласына ойын тізгінін ұстауға мүмкіндік берді. Сол сәттен бастап Бибісара сенімді жүрістер жасап, жеңісті өз пайдасына шешті.
Қазақстандықтардың нәтижелері (8-тур)
Бибісара Асаубаева (2505) - 1:0 Вайшали Рамешбабу (2452, Үндістан)
Лея Гарифуллина (2477, FIDE) - ½:½ Меруерт Қамалиденова (2349)
Александра Мальцевска (2379, Польша) - 1:0 Ксения Балабаева (2383)
Мери Арабидзе (2444, Грузия) - 0:1 Елназ Қалиахмет (2299)
Турнирлік жағдай
Осы жеңістен кейін Бибісара 6 ұпай жинап, турнир кестесінде 5-орыннан үздік үштікке көтерілді. Ендігі қарсыласы - 6,5 ұпайы бар Катерина Лагно, жаңа көшбасшы. Бұл кездесу оның жүлделі орынға таласын айқындайтын шешуші ойын болмақ.
ФОТО: Шахмат федерациясы
Ең көп оқылған
