Бибісара Асаубаева FIDE Circuit рейтингінде әлем көшбасшысы атанды
Халықаралық шахмат федерациясы (FIDE) Norway Chess турнирі аяқталғаннан кейін жаңартылған рейтингті жариялады, деп хабарлайды malimsports.kz.
Жаңартылған FIDE Circuit әйелдер рейтингінде қазақстандық шахматшы Бибісара Асаубаева бірінші орынға көтерілді. Қазіргі таңда оның еншісінде 51,30 ұпай бар.
Қазақстандық спортшының рейтингтегі жоғарылауы Норвегияда өткен беделді турнирдегі жеңісінің нәтижесінде мүмкін болды. Екінші орында Қытай өкілі Чжу Цзиньэр орналасқан. Оның қоржынында 39,83 ұпай бар. Үздік үштікті 29,70 ұпаймен үндістандық Вайшали Рамешбабу түйіндеп тұр.
Ал ерлер арасындағы FIDE Circuit рейтингінде көш басында Өзбекстанның шахматшысы Нодирбек Абдусатторов қалды. Екінші орында оның отандасы Жавохир Синдаров орналасқан. Үшінші сатыда америкалық Фабиано Каруана тұр.
Айта кетейік, FIDE Circuit рейтингі жыл бойы халықаралық турнирлердегі нәтижелер негізінде қалыптасады және әлемнің үздік шахматшыларының көрсеткіштерін айқындайды.
Фото: Norway Chess
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
