Бүгін Чехияның Нове-Место қаласында биатлоннан Әлем кубогының кезекті кезеңі басталады, деп хабарлайды malimsports.kz.
ҰОК мәліметінше, жарыс бағдарламасындағы алғашқы сайыс – ерлер арасындағы жеке дода болмақ.
Бұл жарысқа Қазақстан құрамасынан үш спортшы қатысады. Ел намысын
Владислав Киреев, Асет Дюсенов және Александр Мухин қорғайды.
Жарыстың басталу уақыты – Астана уақытымен 22:15.
Айта кетейік, Нове-Местода өтетін бұл Әлем кубогы кезеңі 2026 жылғы Олимпиада ойындарының алдындағы соңғы кезең болып табылады. Бұған дейін Владислав Киреев пен Асет Дюсенов Қазақстанның Олимпиада құрамасына енген.
Фото: ҰОК
