Қазақстандық UFC жауынгері Бекзат Алмахан (12-2) 22 қараша күні Дохада (Катар) өтетін UFC Fight Night турнирінде испаниялық файтер Александр Топуриямен (6-1) жекпе-жекке шығады, деп хабарлайды malimsports.kz.
Қарсыласу UFC-дің жеңіл салмақ дәрежесінде өтеді.
Алмахан соңғы рет мамыр айында Монреалда (Канада) өткен UFC 315 турнирінде өнер көрсетіп, бірінші раундта канадалық Брэд Катонуды (14-5) нокаутпен жеңген еді.
Александр Топурия биыл 22 ақпанда Сиднейде өткен UFC 312 турнирінде жергілікті файтер Колби Тикнестен басым түсті.
Айта кетейік, Александр — жеңіл салмақтағы UFC чемпионы әрі P4P рейтингінің көшбасшысы Илия Топурияның туған бауыры.
Фото: әлеуметтік желіден
