БАҚ: Нассер әл-Хелаифидің кандидатурасы ФИФА президенті қызметіне ұсынылуы мүмкін
Еуропалық футбол шенеуніктері «Пари Сен-Жермен» клубының президенті Нассер әл-Хелаифидің кандидатурасын ФИФА президенті қызметіне ұсыну мүмкіндігін талқылап жатыр. Бұл туралы Politico басылымы хабарлады, деп жазады malimsports.kz.
Басылымның мәліметінше, Еуропа футболының бірқатар жетекшілері келесі жылы өтетін ФИФА президенті сайлауында қазіргі ұйым басшысы Джанни Инфантиноға қарсы мықты үміткер ұсынуды көздеп отыр. Инфантино 2027 жылдың наурызында үшінші мерзімге қайта сайлануға ниетті.
Халықаралық футболдағы үш жоғары лауазымды тұлғаның айтуынша, бұл мәселе өткен айда өткен футболдан әлем чемпионаты кезінде талқылана бастаған. Сол кезде Нассер әл-Хелаифи ықтимал кандидаттардың бірі ретінде қарастырылған.
Нассер әл-Хелаифи қазіргі таңда Францияның «Пари Сен-Жермен» клубының президенті, Еуропаның жетекші клубтарын біріктіретін ұйымдардың біріне жетекшілік етеді және beIN Media Group медиа холдингінің төрағасы қызметін атқарады.
Алайда әл-Хелаифидің өкілі бұл ақпаратқа қатысты пікір білдіріп, оның ФИФА президенті қызметіне қызығушылық танытпайтынын мәлімдеді.
«Нассердің ФИФА-дағы қандай да бір қызметке қатысты ешқандай амбициясы, ниеті немесе қызығушылығы жоқ. Ол бұдан әрі де әлемдік және еуропалық футбол институттарын сырттай қолдауды жалғастырады», – деп жазылған ресми мәлімдемеде.
Фото: Getty Images
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
