Баланы спортқа қай жастан берген дұрыс - маман кеңесі
Қазіргі таңда ата-аналардың көбі баласын ерте жастан спортқа баулуға тырысады. Бұл дұрыс үрдіс, алайда баланың дене және психологиялық дамуын ескеру - ең басты шарт. Себебі спортқа тым ерте немесе керісінше кеш қатыстыру баланың физикалық өсуі мен қызығушылығына әсер етуі мүмкін, деп жазады malimsports.kz El.kz интернет порталына сілтеме жасап.
Мамандардың пікірінше, спорттық жаттығуларға ең қолайлы жас - 5 пен 7 жас аралығы. Бұл кезеңде бала қимыл-қозғалысты жақсы меңгереді, дене сымбаты қалыптаса бастайды және тәртіпке бағынуды үйренеді. Ал күрес, жүзу, гимнастика, мәнерлеп сырғанау сияқты үйлесімділік пен тепе-теңдік қажет ететін спорт түрлерін таңдауға осы уақытта мүмкіндік мол.
Дегенмен, әр баланың физикалық дайындығы мен мінез-құлқы әртүрлі. Кейбір балалар 4 жасынан бастап белсенділік танытса, енді бірі тек 8-9 жасында спортқа қызығады. Сол себепті ата-аналар баланың темпераментін, денсаулығын және психологиялық жай-күйін ескеріп, таңдауды соған қарай жасауы қажет.
Маусымдық спорт түрлерін де ескерген жөн. Мысалы, күзде - футбол мен жеңіл атлетика, қыста - коньки мен шаңғы, ал жазда - жүзу мен велосипед айдау пайдалы. Бұл тек денені шынықтырып қана қоймай, баланың әртүрлі бағытта дамуына ықпал етеді.
Ең бастысы - баланы зорлап емес, қызығушылық арқылы жетелеу. Егер спорт сабақтары балаға қуаныш сыйласа, ол тек денесін емес, ерік-жігерін, жауапкершілігін және өз-өзіне сенімділігін де дамытады. Спорт - тәрбие мен денсаулықтың бірегей мектебі екенін ұмытпаған жөн.
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
