Асу Алмабаев UFC чемпионы атағы үшін жекпе-жекке шыға ала ма
UFC ұйымының америкалық файтері Оди Осборн (13-9) қазақстандық жауынгер Асу Алмабаевтың (23-3) болашағы туралы Sports.kz сайтына пікір білдірді, деп жазады malimsports.kz.
Менің ойымша, Асу титулдық жекпе-жекке дейін жетуге толық қабілетті. Манел Капеден жеңілгеннен кейін ол айтарлықтай өсті. Тіпті қарсыласының жерінде өтсе де, Брэндон Мореномен жекпе-жекте Алмабаевты фаворит санаймын. Иә, Морено — бұрынғы чемпион, бірақ ол қазір бұрынғы деңгейінде емес. Алмабаев әлдеқайда ашулы, жеңіске құштар файтер. Егер ол Мореноны жеңсе, чемпиондық белбеу үшін жекпе-жекке шығуға лайық деп есептеймін, - деді Осборн.
Еске сала кетейік, Асу Алмабаев 1 наурыз күні Мехикода (Мексика) өтетін UFC Fight Night 268 турнирінде мексикалық Брэндон Мореномен (23-9-2) кездеседі.
Алмабаев соңғы жекпе-жегін қараша айында өткізіп, үшінші раундта америкалық Алекс Пересті (25-10) қылқындыру әдісімен жеңген болатын.
Фото: Ашық дереккөзден
Станимир Стоилов: Қазақ футболының мәселесі тек ұлттық құрамада емес
Ең көп оқылған
