Астанада жаңа жыл қарсаңында бұқаралық «Жаңа жылдық жүгіру-2025» спорттық шарасы өтеді, деп хабарлайды malimsports.kz.
«Жаңа жылдық жүгіру-2025» спорттық іс-шарасы 2025 жылдың 28 желтоқсанында Триатлон паркінде басталады.
Іс-шараның басталуы сағат 10:00-ге жоспарланған. Қатысушыларды тіркеу сол күні сағат 08:30-дан 10:00-ге дейін жүргізіледі.
Ұйымдастырушылардың мәліметінше, іс-шараға қатысушылар саны 1200 адаммен шектелетіні айтылды.
Шара барысында қатысушылар арасында бағалы сыйлықтар ойнатылады.Айта кетерлігі, «Жаңа жылдық жүгіріс – 2025» шарасына қатысу тегін, - деп жазылған елорда әкімдігінің ресми сайтында.
Фото: Астана әкімдігінің ресми сайты
